Parlementêre Ampsklagkomitee gaan voort met voorbereidingswerk

# Die parlementêre Ampsklagkomitee gaan vandag voort met sy voorbereidingswerk. Een van die agendapunte is die gevolg van die onlangse beslissing deur die Wes-Kaapse Hooggeregshof oor president Cyril Ramaphosa se dringende aansoek. Die hof het ‘n dringende tussentydse interdik aan die president toegestaan, wat die ampsklagproses onderbreek, terwyl sy aansoek vir die hersiening van die onafhanklike paneel se verslag oor sy aanspreeklikheid in die Phala Phala-saak, steeds hangende is. Die komitee sal ook verder beraadslaag oor die konsep-verwysingsraamswerk en die bygewerkte lys van benoemings vir die rol van getuienisleier.