# Die voorsitter van die Parlement se portefeuljekomitee oor Polisie, Ian Cameron, het die bestuur van die Suid-Afrikaanse Polisiediens gevra om bykomende aanklagte teen die geskorste adjunkhoof van misdaadintelligensie, Feroz Khan, te oorweeg. Die Madlanga-kommissie het verlede week getuienis aangehoor oor hoe Khan na bewering tenders namens die omstrede sakeman Mohammed “Mo” Sayed georganiseer het. Die tenders het ‘n SAPD-kontrak vir persoonlike beskermende toerusting tydens die Covid-19-pandemie ingesluit. Cameron sê die getuienis voor die kommissie versterk die komitee se voortgesette oproep vir omvattende leefstyloudits en integriteitsondersoeke, beginnende met senior polisiebestuur.
Parlement se polisiekomitee vra SAPD om bykomende aanklagte teen Feroz Khan te oorweeg