# Die Parlement se portefeuljekomitee oor Justisie en Grondwetlike Ontwikkeling verwelkom die aanstelling van regter Dunstan Mlambo as adjunkhoofregter. Dit volg op aanbevelings van die Regterlike Dienskommissie verlede maand. Mlambo dien sedert November 2012 as die Gautengse regter-president. Die komitee se voorsitter, Xola Nqola, sê Mlambo bied ‘n magdom ervaring en ‘n uitgelese rekord op die regbank. Hy voeg by Mlambo het reeds ‘n standvastige verbintenis tot die onafhanklikheid van die regbank, toegang tot geregtigheid en die hervorming van die regstelsel getoon.
Parlement se Justisiekomitee verwelkom Mlambo se aanstelling as adjunkhoofregter