# Padwedlope: Die Comrades Marathon-vereniging sal amptelik voortgaan met die 2027-wedloop sonder Atletiek Suid-Afrika of KwaZulu-Natal Atletiek. Na ‘n paar maande van onderonsies en vergaderings het die lede van die marathonvereniging gisteroggend tydens ‘n spesiale algemene vergadering gestem om voort te gaan sonder affiliasie met KZNA en ASA deur assosiasie. Dit beteken dat die hele aanbieding van die wedloop afhanklik sal wees van die vereniging en sy raad, insluitend regstreekse onderhandelinge met munisipaliteite om toegang tot paaie te verkry op die voorgestelde datum van 13 Junie volgende jaar. Die wedloop vier sy eeufees in 2027.
Padwedlope: Comrades-marathon gaan onafhanklik voort terwyl lede stem om weg te beweeg van ASA en KZNA