# Die Verkiesingskommissie het die registrasie van die Islamic State of Africa -party verwerp. Die party se stigter, Farhad Hoomer, is voorheen van terrorisme in Suid-Afrika beskuldig. Die OVK het ISA se aansoek op drie gronde verwerp. Eerstens het die party nie die vereiste 300 handtekeninge van geregistreerde kiesers gekry nie. Tweedens het ISA die kennisgewing van sy aansoek in ‘n koerant gepubliseer wat slegs in klein dele van die eThekwini-munisipaliteit versprei word. Derdens het die OVK meer as 200 besware teen die stigting van die party ontvang.
OVK verwerp registrasieaansoek van die Islamic State of Africa as ‘n politieke party