# ‘n Reusebrand by ‘n oliedepot naby Rusland se Swartsee-oord Sochi, is volgens Russiese owerhede die gevolg van ‘n Oekraïnse hommeltuigaanval. Sochi se nabygeleë lughawe het lugverkeer opgeskort. Rusland se ministerie van Verdediging sê sy lugverdediging het oornag 93 Oekraïnse hommeltuie onderskep, waarvan 60 oor die Swartsee-streek was. Oekraïne se lugmag sê Rusland het oornag 76 hommeltuie en sewe missiele afgevuur, waarvan 61 afgeskiet is. Dit volg na ‘n dodelike week vir burgerlikes in Oekraïne, insluitend Donderdag se aanval op Kyiv waarin minstens 3 mense dood is.
Oekraïnse hommeltuigaanval rede vir brand by Sochi-oliedepot