Nepal se weermag sê betogers maak misbruik van die huidige krisis

# Die Nepalese weermag beskuldig betogers dat hulle die huidige krisis misbruik deur openbare en privaat eiendom te beskadig, te plunder en aan die brand te steek. Die ergste oproer in dekades het vandeesweek in die land uitgebreek ná ʼn verbod op sosiale media en ontevredenheid oor politieke korrupsie en nepotisme. Dit het tot eerste minister KP Sharma Oli se bedanking gelei. Betogers het die parlementsgebou in Katmandoe aan die brand gesteek. Minstens 22 mense is dood sedert die onluste begin het. Die weermag sê hy sal volle beheer neem indien die situasie voortduur.