# Nege verdagtes is in hegtenis geneem in verband met die ontvoering van ‘n 51-jarige sakeman van Summer Greens in Kaapstad. Hy is verlede Maandag tydens ‘n huisroof ontvoer toe gewapende aanvallers sy huis binnegedring en kontant en selfone gesteel het voor hulle ‘n losprys geëis het. ‘n Polisie-opsporingsoperasie het gelei tot inhegtenisnemings in Khayelitsha en in Saldanhabaai, waar die sakeman gered is. Die polisie sê hy is vasgebind en beseer gevind en na ‘n mediese gerief geneem vir behandeling.
Nege verdagtes aangekeer na ontvoerde sakeman van Kaapstad gered is