# Die Nasionale Transmissiemaatskappy van Suid-Afrika verwag om alle uitstaande beperkingseise verskuldig aan onafhanklike kragprodusente teen einde Augustus te vereffen. Die agterstand het gedaal van twee-miljard-rand in Junie tot 1,5-miljard-rand. Uitvoerende hoof Monde Bala sê bykomende hulpbronne is ontplooi om betalings te bespoedig en vereffeningsprosesse te verbeter. Die eise volg op die toenemende afskaling van hernubare energie, nadat ‘n oorskot aan elektrisiteitstoevoer daartoe gelei het dat kragopwekking tydelik verminder moes word om die bestendigheid van die nasionale kragnetwerk te beskerm.
Nasionale Transmissiemaatskappy beloof om kragprodusente se eise van R1,5-miljard teen Augustus te vereffen