# Motorsport: Max Verstappen van Red Bull spring eerste weg in die Britse Grand Prix na gister se kwalifiserende ronde by Silverstone. Die kampioenskapsvoorloper, Oscar Piastri van McLaren, is langs die Nederlander in vandag se wedren. Piastri was op koers om voor te begin, maar Verstappen het dit met ‘n perfekte laaste ronde en slegs ‘n tiende van ‘n sekonde voor die Australiër weggeraap. Piastri se spanmaat, Lando Norris, begin in die tweede ry, met die Mercedes van George Russell langs hom. Lewis Hamilton en Charles Leclerc van Ferrari spring in die derde ry weg.
Motorsport: Verstappen fnuik Piastri vir voorste wegspringplek by Silverstone