Mogotsi se borgtog-appèl weer uitgestel

# Die Johannesburgse Landdroshof het die borgtog-appèl van die vermeende politieke tussenganger en omstrede sakeman Brown Mogotsi tot 22 Junie uitgestel. Die staat het die hof meegedeel hulle moet die dossier aan die verdediging bekend maak. Mogotsi se regspan voer aan nuwe feite, insluitend die bevestiging van sy woonadres, regverdig ‘n hernieude borgtog-aansoek. Mogotsi staan tereg op strafregtelike aanklagte nadat hy na bewering sy eie sluipmoord in Vosloorus vervals het, asook aanklagte van regsverydeling, meineed, onwettige vuurwapenbesit en die afvuur van ‘n vuurwapen in die openbaar.