MK-party se Strategiese Presidensiële Span bekommerd oor hofbevel om twee LP’s weer aan te stel

# Die MK-party se Strategiese Presidensiële Span sê die Wes-Kaapse Hooggeregshof se uitspraak dat hy twee partylede weer moet aanstel, is nie slegs ʼn regskwessie tussen twee individue nie. Die leier, Jacob Zuma, het Pumlani Kubukeli en Khanyisile Litchfield-Tshabalala verlede maand uit die party en Parlement geskors en beskuldig hulle dat hul gedrag die reputasie, eenheid en organisatoriese dissipline van die party ondermyn. Die hof het bevind die opheffing van die twee se lidmaatskap was onregverdig. Die MK-party sê dit skep basiese vrae oor die uitoefening van organisatoriese gesag, aanspreeklikheid en grondwetlike voldoening.