# Die nasionale direkteur van Openbare Vervolgings, Shamila Batohi, het teruggekrabbel oor haar bewerings dat die Nasionale Vervolgingsgesag deur skelm elemente geïnfiltreer is. Dit is volgens die minister van Justisie en Grondwetlike Ontwikkeling, Mmamoloko Kubayi, wat sê Batohi het aan haar gesê sy het die verkeerde woord gebruik. Kubayi sê alhoewel Batohi haar bewerings terugtrek, het sy steeds kommer uitgespreek oor bewerings van samespanning. Die minister sê sy sal die kwessie met president Cyril Ramaphosa bespreek om moontlik ʼn ondersoek te begin na aanklaers wat by sulke praktyke betrokke is.
Minister Kubayi sê Batohi het teruggekrabbel oor haar opmerkings oor beweerde NVG-infiltrasie