Skip to content

Meer as 60 Ethiopiese migrante dood en tientalle vermis na boot by Jemen omslaan

# Agt-en-sestig Ethiopiese migrante is dood en 74 word vermis nadat ʼn boot gister aan die kus van Jemen gesink het. Volgens die Internasionale Organisasie vir Migrasie was 154 migrante aan boord. Hiervan het 54 liggame in die Khanfar-distrik uitgespoel terwyl 14 ander dood gevind en na ʼn lykshuis geneem is. Slegs 12 het die voorval oorleef terwyl die res vermis word en vermoedelik dood is. Plaaslike owerhede sê ʼn massiewe soek-en-reddingspoging is aan die gang. Meer as 60-duisend vlugtelinge en migrante het in 2024 in Jemen aangekom.