# Die ANC-sekretaris-generaal, Fikile Mbalula, het die bewerings van die voormalige kabinetsminister en partyveteraan Nkosazana Dlamini-Zuma, ten sterkste ontken. Tydens ‘n verskyning op die African Renaissance -potgooi het Dlamini-Zuma beweer Mbalula het kontant aan afgevaardigdes uitgedeel om sy verkiesing en dié van president Cyril Ramaphosa by die ANC se 2022-verkiesingskonferensies te verseker. Mbalula het die bewerings as “baie skadelik en pynlik” beskryf en sê hy het sy prokureurs geraadpleeg. Hy sê hy is vry en regverdig deur afgevaardigdes deur middel van ‘n geheime stemming verkies, soos vereis deur die ANC-grondwet.
Mbalula dreig met regstappe teen Dlamini-Zuma oor bewerings van stemkopery