# Die groep teen immigrasie, March and March, se nasionale uitvoerende komitee het ʼn aksieplan vir die volgende drie maande bekendgestel wat nog betogings, plakkaat-betogings en blits-operasies in belangrike ekonomiese sentrums in Suid-Afrika insluit. Teenkanting teen onwettige immigrante in die land het die afgelope maande skerp toegeneem. Die beweging sê hy wil met rolspelers en politieke partye saamwerk aan ʼn Nasionale Dialoog oor die oorsake van ongeoorloofde immigrasie, die gevolge daarvan en moontlike oplossings. March and March sê hy wil landsburgers opvoed oor hulp, bystand en huisvesting aan onwettige immigrante.
March and March het aksieplan vir volgende drie maande