Madlanga-kommissie ondervra Johnson oor goedkeuring vir dagvaardings [KLANK]

# Die Madlanga-kommissie het die hoof van die Ondersoekdirektoraat Teen Korrupsie, Advokaat Andrea Johnson, uitgevra oor haar goedkeuring van dagvaardings vir die veiligheidsklaringsrekords van Misdaadintelligensie. Kommissaris Sesi Baloyi wou weet of Johnson die name op die dagvaardings onafhanklik nagegaan het, of op ondersoekers se inligtingsessies staatgemaak het voor sy die dokumente onderteken het. Johnson sê sy het vertrou op die inligting wat aan haar voorgelê is. Baloyi het egter gewaarsku die magtigingsproses kon kwesbaar wees vir misbruik of manipulasie indien daar uitsluitlik op ondersoekers se inligting vertrou is sonder om dit onafhanklik na te gaan: