# Krieket: Die Warriors is gediskwalifiseer vir die uitspeelstryd van die Eendagbekerreeks omdat hulle nie voldoen het aan Krieket Suid-Afrika se kwota-vereistes nie. Hulle het verlede maand nagelaat om drie swart spelers in te sluit vir ‘n wedstryd, en nie die owerhede ingelig nie. Die Dolphins neem hulle plek in. Die Warriors sou teen die Titans speel vir ‘n plek in die eindstryd van Afdeling Een. Eddie Khoza van KSA sê ander spanne is tegemoet gekom toe hulle soortgelyke kwessies gekommunikeer het, maar die Warriors het dit nie gedoen nie.