# Krieket: Indië het volgens berigte onttrek aan môre se halfeindstryd teen Pakistan in die Wêreldkampioenskap vir Legendes. Dit volg nadat Indië vroeër in die groepsafdeling ook geweier het om teen sy buurland te speel weens die jongste vyandigheid tussen die twee aartsvyande. Indië se besluit beteken Pakistan dring deur na Saterdag se eindstryd op Edgbaston in Birmingham, Engeland. Die span kom te staan teen die wenner van môre se halfeindstryd tussen Suid-Afrika, aangevoer deur die voormalige Protea-ster AB de Villiers, en Australië.
Krieket: Indië onttrek aan halfeindstryd van Wêreldkampioenskap vir Legendes teen Pakistan