# Krieket: Engeland het Nieu-Seeland se swak veldwerk gestraf om die tweede T20 in Christchurch met 65 lopies te wen nadat die openingswedstryd uitgereën het. Die besoekers het ‘n reuse-totaal van 236 vir vier aangeteken nadat die Swartpette die loot gewen en Engeland ingestuur het om te kolf. Aanvangskolwer Phil Salt, met 85, en Engeland se kaptein, Harry Brook, met 78, het die boulers behoorlik gestraf. Engeland se draaibouler, Adil Rashid, het daarna vier paaltjies geneem en Nieu-Seeland is uitgeboul vir 171.
Krieket: Engeland behaal oortuigende oorwinning oor Nieu-Seeland in tweede T20 in Christchurch