Skip to content

Krieket: Brevis, Markram verkoop vir reuse-bedrae op SA20-spelerveiling

# Krieket: Die plofbare Protea-kolwer Dewald Brevis en sy T20-kaptein, Aiden Markram, is die vroeë wenners in die spelerveiling vir SA20 se vierde seisoen. Pretoria Capitals het 16,5-miljoen-rand betaal vir Brevis en Durban’s Super Giants 14-miljoen-rand vir Markram. Joburg Super Kings het Wiaan Mulder vir nege-miljoen-rand gekoop en Capitals het die Protea-draaibouler Keshav Maharaj vir 1,7-miljoen-rand aangeskaf. Durban het die 19-jarige Protea-snelbouler Kwena Maphaka vir 2,3-miljoen-rand gekoop. Die veteraan-paaltjiewagter Quinton de Kock het 2,4-miljoen ingepalm van Sunrisers Eastern Cape en Capitals het die snelbouler Lungi Ngidi vir 2,3-miljoen-rand gekoop.