# Die Stad Johannesburg se Departement van Menslike Nedersettings tree strenger op teen ondernemings en inwoners wat versuim om huurooreenkomste met die Johannesburgse Maatskaplike Behuisingsmaatskappy na te kom. Die burgemeesterskomiteelid vir Menslike Nedersettings, Mlungisi Mabaso, het ‘n operasie in die middestad gelei, gemik op die invordering van uitstaande skuld en teen onwettige besetting en onderverhuring. Verskeie sake-eienaars het gevra vir meer tyd om agterstallige skuld te vereffen, maar amptenare het dit verwerp. Mabaso sê pogings sal voortduur, hoewel uitsettings ‘n hofbevel vereis voor inwoners verwyder kan word.
Johannesburg begin met strenger optrede teen huurders wat geld skuld