# Die Johannesburgse Metropolisiedepartement het bevestig daar is ‘n interne ondersoek aan die gang na ‘n beampte van die honde-eenheid, Johannes Makgatle, nadat bewerings by die Madlanga-kommissie van ondersoek gemaak is. Die KwaZulu-Natalse polisiekommissaris Nhlanhla Mkhwanazi het verlede week getuig Makgatle het polisiestelsels misbruik en lisensies vir die moordbeskuldigde Katiso “KT” Molefe hernu in ruil vir belonings. Die metropolisie se woordvoerder, Xolani Fihla sê die interne ondersoekeenheid stel ondersoek in en belowe dissiplinêre stappe indien wangedrag bewys word.
JMPD-beampte word ondersoek ná getuienis voor Madlanga-kommissie