# Die Israelse eerste minister Benjamin Netanyahu het beveel ongemagtigde setlaarposte in die Wesoewer moet gesloop word. Dit kom te midde van druk deur die VSA op Israel om sterk op te tree teen setlaarsaanvalle op Palestyne. Die bevel is van toepassing op buiteposte wat sonder amptelike magtiging van die Israelse staat deur setlaars opgerig is. Buiteposte bestaan gewoonlik uit voorafvervaardigde woonwaens en huisves ’n klein aantal setlaars. Die staat het van tyd tot tyd sulke strukture gesloop en ook ander formeel erken, wat hulle toegang tot regeringsbefondsing gee.
Israelse eerste minister beveel verwydering van setlaars se buiteposte in Wesoewer