# Israel se weermag het die liggaam van een gyselaar en die oorskot van ‘n ander in Gaza herwin. Die eerste minister se kantoor sê die liggaam is uitgeken as Ilan Weiss, met die oorskot van die ander nog onbekend. Weiss se vrou en dogter is tydens die Hamas-aanval in Oktober 2023 ontvoer en tydens die eerste wapenstilstand vrygelaat. Daar is gedink dat Weiss nog leef, maar dis later aangekondig dat hy tydens die aanval dood is en sy liggaam na Gaza geneem is. Daar is nou 48 gyselaars oor in Gaza, van wie 20 glo leef.
Israel herwin liggaam van gyselaar en oorskot van ‘n ander