# Iran se ministerie van Buitelandse Sake sê ʼn groot deel van die probleme met Amerika is opgelos, maar ʼn ooreenkoms is nog ver. Geskille wat ʼn vredesooreenkoms keer, sluit in taal wat Iran se kernprogram betref en die opheffing van sanksies. ʼn Moontlike ooreenkoms sluit volgens berigte in dat die bestaande skietstilstand met 60 dae verleng word, die Straat van Hormoes oopgestel word vir internasionale vaartuie en ʼn plan vir verdere onderhandelinge oor die kernprogram. Die ministerie se woordvoerder, Esmail Baghaei, sê hulle fokus op die beskerming van Iran se belange.
Iran sê vredesooreenkoms met Amerika is nie naby nie