Iran se ministerie van Buitelandse Sake sê geen nuwe ooreenkomste oor kerninspeksies is aangegaan nie

# Die Iranse ministerie van Buitelandse Sake het bewerings deur die Amerikaanse visepresident JD Vance weerlê, dat hulle na die naweek se onderhandelinge in Switserland, ingestem het om kernmonitors in die land toe te laat. Teheran het in Julie verlede jaar samewerking met die Internasionale Atoomenergie-agentskap opgeskort, nadat Washington aanvalle op die land se kernverrykingsfasiliteite uitgevoer het. Die ministerie sê Iran het nie tydens gesprekke van 18 uur oor die kernkwessie onderhandel nie, en bygevoeg sy samewerking met die Atoomagentskap sal onder die huidige prosesse voortduur.