# Suid-Afrikaners gaan die feestyd hoër reiskoste ondervind en Investec se hoofekonoom, Annabel Bishop, waarsku brandstofpryse sal tot volgende jaar hoog bly. Sy het aan CapeTalk gesê die petrolprys het vanjaar van 20- tot 30-rand per liter gestyg, terwyl diesel van 17-rand tot 31-rand geklim het en volgende maand tot 34-rand kan styg. Bishop sê hoër brandstofkoste plaas verbruikers en sake-ondernemings onder druk, bedreig toerisme en ekonomiese groei, en kan inflasie tot vyf-persent opjaag, met die moontlikheid van verdere rentekoersverhogings.
Investec-ekonoom sê skerp styging in dieselpryse bedreig groei en toerisme