# ‘n Indiese toeris is dood en drie mense beseer toe twee helikopters gebots het tydens landing in die Everest-streek in Nepal. Die ongeluk het plaasgevind naby die gewilde stilhouplek Pheriche op die roete na Everest se basiskamp, op ‘n hoogte van meer as vier-duisend-300-meter. Onder die beseerdes is ‘n passasier van Nieu-Seeland en albei vlieëniers. Die oorsaak van die botsing word ondersoek. Die ongeluk het midde in die spitsseisoen vir staptogte in Nepal gebeur. Helikopters word gereeld gebruik om stappers te vervoer en bergreddings-operasies uit te voer.
Indiese toeris sterf in helikopter-botsing naby Everest