# City Power sê krag sal na verwagting teen môreaand in Braamfontein herstel wees. Die kragverskaffer sê daar is goeie vordering met die herstel van elektrisiteit in die omgewing ná Donderdag se ondergrondse brand naby die M1-brug. Woordvoerder, Isaac Mangena, het bevestig dat kabelinstallasies vir sleutelroetes môre sal begin. Toetse word uitgevoer op die Bree–Newtown–Wits-kring, hoewel daar steeds uitdagings is. Intussen word herstelwerk by TH Wolmarans- en Hospitaalstraat voortgesit.
Herstel van elektrisiteit in Braamfontein binnekort verwag