GOOD-party wil ondersoek hê na City Power se beweerde buitensporige pryse vir skoonmaaktoerusting [KLANK]

# Die GOOD-party in Johannesburg is besorg oor 335-miljoen-rand glo verkwis is op buitensporige pryse vir skoonmaaktoerusting en mislukte onderhouds- en infrastruktuurprojekte by City Power. ‘n Interne City Power memorandum het onthul dat die instelling se uitvoerende hoof, Tshifularo Mashava, geweet het van die bedrog met sy onderhoudsbegroting. Die beweerde bedrog het tussen Mei en Oktober 2023 plaasgevind. Matthew Cook sê City Power moet ‘n ondersoek van stapel stuur en terselfdertyd ‘n streng oorsigproses van die voorsieningsketting doen: