# ‘n Gesamentlike vergadering van vier Parlementêre oorsigkomitees het die Nasionale Tesourie en die Departement van Samewerkende Regering en Tradisionele Sake versoek om dienslewering te beskerm, veral vir armlastiges, te midde van regstellende pogings in swak presterende munisipaliteite. Dit volg na Tesourie se stap om die oordrag van fondse van 13,5-miljard-rand na 69 nie-nakomingsmunisipaliteite tydelik terug te hou. Die voorsitter van die staande komitee oor Finansies, Mkhacani Maswanganyi, sê hoewel dit nodig is om op te tree teen volgehoue finansiële wangedrag en nie-nakoming, moet nasionale en provinsiale regerings hul ondersteunings- en ingrypingsverantwoordelikhede nakom soos bepaal deur artikel 154 van die Grondwet.
Gesamentlike Komitees sê Tesourie moet dienslewering beskerm tydens ingryping