# Die Europese Kommissie se president, Ursula von der Leyen, het gister ʼn mosie van wantroue in die Europese Parlement oorleef. Die mosie hou verband met haar weiering om teksboodskappe bekend te maak wat tydens die Covid-19-pandemie met die uitvoerende hoof van die entstofvervaardiger Pfizer uitgeruil is. Slegs 175 parlementslede het die mosie ondersteun terwyl 360 daarteen gestem en 18 buite stemming gebly het. Von der Leyen verwerp kritiek oor haar hantering van die pandemie en sê haar benadering het verseker dat daar in die Europese Unie gelyke toegang tot entstof was.
EU-hoof Ursula von der Leyen oorleef mosie van wantroue