# Rugby: Engeland se junior voorspeler, Seb Kelly is hewig gekritiseer vir ‘n oomblik van waansin wat waarskynlik hul kanse beëindig het om die Junior Springbokke te klop in die halfeindstryd van die Junior Wêreldkampioenskap in Tsibilisi, Georgië. Hy is in die 32ste minuut afgestuur met ‘n permanente rooikaart nadat hy die Suid-Afrikaanse heelagter Luan Giliomee met die kop gestamp het. Engeland het op daardie tydstrip 17-7 voorgeloop, maar uiteindelik 53-37 verloor. Kelly se optrede is op sosiale media beskryf as ongelooflik dom, uiters onsinnig en absoluut verfoeilik.
Rugby: Engelse voorspeler onder skoot op sosiale media ná rooikaart