# Die EFF sê Statistiek Suid-Afrika se jongste opname oor bestuur, openbare veiligheid en justisie bevestig dat landsburgers onder beleg van misdaad is terwyl die regering min verligting bied. Die opname toon daar was in die 2024/2025-boekjaar na raming 1,5-miljoen inbrake by wonings. Altesaam 811-duisend voorvalle van verbruikersbedrog is aangemeld wat 566-duisend slagoffers geraak het. Die EFF sê die regering moet sy polisiëringsvermoë herstel en versterk, sy ondersoekvermoë ten volle befonds om skuldigbevindings te verbeter en korrupsie in die polisie en regstelsel uitroei.
EFF vra regering om polisie se vermoë te herstel en te versterk