# Die Stad Johannesburg het die afgelope vier maande ʼn miljoen kilogram rommel uit Johannesburg se middestad verwyder. Dis deel van burgemeester Dada Morero se Reimagining Joburg-veldtog. Sedert Januarie fokus Pikitup, deur sy weeklikse opruiming, op brandpunte soos Marshalltown, vee strate en maak vullisdromme leeg. Stadsamptenare het bevestig die groter Johannesburg-streek lewer jaarliks sowat 1,6-miljard kilogram vullis op. Kritici sê sonder strenger wetstoepassing sal die vullisprobleem net voortduur.
Een-miljoen kilogram vullis sedert Januarie uit Johannesburgse middestad verwyder