# Minstens een mens is dood nadat fratsvloede dele van die OR Tambo-distriksmunisipaliteit in die Oos-Kaap getref het. Dit het gevolg op ‘n hewige storm wat skade in verskeie gebiede aangerig het. Owerhede sê nooddienste is ontplooi om die situasie te evalueer en bystand aan die betrokke gemeenskappe te verleen. Inwoners in laagliggende gebiede word aangemoedig om versigtig te wees, aangesien meer reën verwag word. Die munisipaliteit monitor watervlakke en sal bywerkings verskaf terwyl reddings- en herstelpogings voortduur.
Een mens sterf in kitsvloede in die Oos-Kaap