# DRDGold sê sy goudproduksie het in die drie maande van Julie tot September met tien-persent tot meer as 42-duisend onse toegeneem, vergeleke met dieselfde tydperk verlede jaar. Die goudprodusent se bedryfswins het met 42-persent tot 1,6-miljard-rand gestyg, terwyl inkomste met 31-persent tot sowat drie-miljard-rand gestyg het. Die maatskappy het 726-miljoen-rand in vrye kontantvloei gegenereer en die kwartaal afgesluit met drie miljard rand in kontant sonder enige bankskuld. DRDGold bly op koers om sy goudproduksieteikens vir die 2027-boekjaar te bereik.
DRDGold meld ’n toename aan van 10% in goudproduksie