# Die DA sê die besluit om nie befondsing aan die Isiqalo Jeugfonds toe te ken nie, laat jongmense in die Oos-Kaap sonder ‘n duidelike ondersteuningsprogram en weerspieël swak prestasie en toesig. Die party gaan die ouditeur-generaal vra om ondersoek in te stel of die fonds finansieel die moeite werd was en of openbare fondse behoorlik bestuur was. Vicky Knoetze van die DA sê die afwesigheid van befondsing vir die 2026/2027 finansiële jaar kom te midde van hoë werkloosheid in die provinsie.