# Die DA in KwaZulu-Natal sê hy het ‘n brief aan die munisipale bestuurder van die King Cetshwayo Distriksmunisipaliteit, Philani Sibiya, geskryf, om rekenskap te gee oor Nasionale Tesourie se besluit om toelaagfinansiering in die distrik te sny. Die Tesourie het toelaes van 26,5-miljoen-rand aan die distrik opgeskort, wat 20-miljoen-rand van die Streeks-grootmaatinfrastruktuurtoekenning en 6,5-miljoen-rand van die Waterdienste-infrastruktuurtoelaes insluit. Die DA sê die toelaes is noodsaaklik vir die voltooiing van belangrike waterinfrastruktuurprojekte wat die munisipaliteit in staat sal stel om volhoubare en betroubare drinkwater te verskaf.
DA KZN dring aan op antwoorde nadat Tesourie R26,5-miljoen in toelaes vir King Cetshwayo opskort