# Die DA het op dringende ingryping aangedring nadat nog ’n ondergrondse dwelmlaboratorium by Rooikoppen in Standerton, Mpumalanga, ontdek is. Dit volg vier weke na die blootlegging van ’n soortgelyke laboratorium met toerusting ter waarde van 28-miljoen-rand. Angel Khanyile van die DA sê dit dui op ’n groeiende dwelmnetwerk wat jeug- en gemeenskapsveiligheid bedreig. Sy vra die polisie om intelligensiegedrewe wetstoepassing te versterk en moedig gemeenskappe aan om saam te werk in die stryd teen dwelms om veiliger, dwelmvrye woonbuurte te help bou.
DA dring aan op spoedige optrede na tweede dwelmlaboratorium in Standerton gevind is