# City Power hou vol met pogings om toegang tot elektrisiteit uit te brei vir meer groepe in Johannesburg, veral informele nedersettings, ten einde menswaardigheid en regte te handhaaf. City Power woordvoerder Isaac Mangena, sê ten spyte van hulpbronbeperkings het die kragvoorsiener sy teiken oorskry en twee-duisend-675 huishoudings in 2023/24 by die netwerk gevoeg. Mangena het bevestig dat City Power besig is om volhoubare elektrisiteitsnetwerke te implementeer, insluitend Alexandra en Denver, om in groeiende energiebehoeftes te voorsien. Die maatskappy doen ‘n beroep op gemeenskappe om infrastruktuur te beskerm en deurlopende toegang tot betroubare elektrisiteit te verseker.
City Power brei toegang tot elektrisiteit uit om menseregte te beskerm