# City Power het die skadebepaling by die Cydna-substasie voltooi ná ‘n brand en bevestig dat beskermingskabels beskadig is. ‘n Woordvoerder, Isaac Magwenya, sê herstelwerk het reeds vanoggend begin, en word verwag om teen 6 nm voltooi te wees. Magwenya sê voorlopige bevindinge dui op vandalisme gekoppel aan kabeldiefstal, maar ondersoeke duur voort. Gebiede wat geraak word, sluit in Houghton Estate, Killarney, Norwood, Melrose, Hyde Park, Illovo, en verskeie omliggende voorstede.