# Krieket: Jofra Archer maak môre op Lord’s sy langverwagte terugkeer na toetskrieket na vier jaar se afwesigheid weens beserings. Hy is in Engeland se span vir die derde toets teen Indië in die plek van die mede-snelbouler Josh Tongue. Dit is die enigste verandering aan die span wat die tweede toets met 336 lopies verloor het. Archer het aangename herinneringe van Lord’s waar hy die super-boulbeurt geboul het waarmee Engeland 2019 se Wêreldbekertoernooi gewen het voor hy later daardie seisoen ‘n uitstekende toets-buiging teen Australië gemaak het.
Krieket: Archer in Engelse span vir derde toets teen Indië