ANC verdedig minister van Finansies terwyl EFF sy bedanking eis

# Die ANC-woordvoerder, Mahlengi Bhengu-Motsiri, sê oproepe dat die minister van Finansies, Enoch Godongwana moet bedank, is ongeregverdig, tensy dit verband hou met beleids- of regsmislukkings. Dit volg ná die EFF se eis dat hy bedank nadat die hof ʼn BTW-verhoging opgeskort het. Die Wes-Kaapse Hooggeregshof het ook die Parlement se vroeëre aanvaarding van die fiskale raamwerk omgekeer. Bhengu-Motsiri sê Godongwana het nie sy ampseed oortree nie en die ANC verwelkom die hofuitspraak oor die BTW-verhoging.