# Die ANC sê sy vergadering met die Vryheidsfront Plus gister was hartlik en toekomsgerig met ‘n gedeelde waardering vir die dringendheid om belangrike fiskale en bestuursuitdagings op te los. Die vergadering het plaasgevind teen die agtergrond van die huidige begrotingsdooiepunt. Die ANC sê hulle het in beginsel saamgestem oor die belangrikheid van die onlangs aanvaarde fiskale raamwerk, veral as ‘n grondslag om openbare finansies te bestendig. Die ANC sê sy siening is steeds dat vennote in die regering van nasionale eenheid gelei moet word deur wedersydse respek en ‘n gemeenskaplike doel.
ANC sê vergadering met VF Plus was opbouend en toekomsgerig