# Die parlementêre Ampsklagkomitee vergader vandag om sy konsep-opdrag en die proses om getuienisleiers aan te stel, te bespreek. Die komitee gaan voort met sy werk ten spyte van president Cyril Ramaphosa se dringende interdik-aansoek dat die werk gestaak word hangende ʼn hersiening van die onafhanklike paneel se Phala Phala-verslag. Die komiteevoorsitter, Makashule Gana, het ʼn teenaansoek ingedien. Hy sê aangesien die Konstitusionele Hof reeds die verslag na die komitee verwys het, is ʼn regsuitdaging teen die verslag irrelevant.
Ampsklagkomitee gaan opdrag en aanstelling van getuienisleiers takel