# Amerikaanse media berig president Donald Trump se administrasie beplan om volgende week die eerste groep wit Suid-Afrikaners in die Verenigde State te hervestig. Die Amerikaanse ondersoekende nuusagentskap, The Lever, het eerste berig oor die vestigingsplan en ‘n dokument van 30 April aangehaal waarin gesê word Suid-Afrikaners is geskeduleer om “binne ‘n paar dae” daar te wees. Volgens The Lever is daar planne om vanjaar tot een-duisend Afrikaners te hervestig. Die agentskap het ook ‘n regeringsbron aangehaal. National Public Radio en die New York Times het gesê die groep sal Maandag aankom, afhangende van logistieke reëlings.
Amerikaanse media berig die eerste wit Suid-Afrikaners word binne ‘n paar dae verwag