# Amerika se Departement van Buitelandse Sake het ingestem om 500 Patriot PAC-3-missiele aan Oekraïne te verkoop teen ʼn koste van sowat 35,11-miljard-rand. Hierdie missiele is van die min wapens wat inkomende ballistiese missiele kan afskiet. Oekraïne se president, Volodymyr Zelensky, vra lankal nog missiel-onderskeppers om sy land teen toenemende Russiese lugaanvalle te beskerm. Die departement sê Kiëf sal vir die aankope betaal met fondse van Kanada, Duitsland en Noorweë, asook ʼn lening van die Europese Unie. Hy sê die missiele sal Oekraïne se veiligheid versterk.
Amerika keur verkope van 500 Patriot-missiele aan Oekraïne goed