# Amerika en Iran kon ondanks hernude diplomatieke pogings nie ‘n ooreenkoms bereik om die oorlog van agt maande te beëindig nie. ‘n Senior Iranse amptenaar sê Teheran se voorwaardes moet eers nagekom word voor die Seestraat van Hormoes heropen en kerngesprekke hervat. Dit sluit in, die opheffing van oliesanksies, die beëindiging van die Amerikaanse vlootblokkade en die vrystelling van Iranse fondse wat gevries is. Katar verskerp sy bemiddelingspogings terwyl albei lande voorstelle oorweeg. Die Amerikaanse president, Donald Trump, wou hom intussen nie uitlaat oor die moontlikheid van militêre optrede ná die middeltermynverkiesing nie.
Amerika en Iran steeds nie nader aan vredesooreenkoms nie